Jakob leitar til Sam­keppnis­eftir­litsins: „Við­skipti Uglu við Pennann skipta litlu máli í 5 milljarða dæmi Pennans“

Jakob F. Ás­geirs­son, stofnandi og eig­andi bóka­út­gáfunnar Uglu, hefur til­kynnt þá á­kvörðun Pennans Ey­munds­son, að taka nýjar og ný­lega bækur út­gáfunnar úr sölu, til Sam­keppnis­eftir­litsins.

Jakob segir frá þessu í færslu á Face­book-síðu sinni en Morgun­blaðið greindi frá málinu í morgun. Ugla fékk fjögur bretti af bókum, sam­tals 25 titla, endur­send fyrir skemmstu en Jakob segir að á­stæðan sé sú að um­ræddar bækur eru einnig að­gengi­legar í streymi hjá hljóð­bóka­veitunni Stor­ytel.

Stillt upp við vegg

Jakob telur að þetta sé ekki eðli­legt en hann segir að fátt hafi verið um svör hjá Ingi­mar Jóns­syni, for­stjóra Pennans, um þá á­kvörðun að endur­senda bækurnar.

„Að­gerð Pennans sýnist því ætlað að stilla Uglu upp við vegg: Annað hvort hættir hún að gefa út nýjar bækur sem hljóð­bækur til sölu hjá Stor­ytel eða hún verður kné­sett. Jafn­framt sýnist Uglu ætlað að vera víti til varnaðar fyrir aðra bóka­út­gef­endur: Nú sjáið þið hvernig fer fyrir ykkur ef þið vogið ykkur að gera hljóð­bækur úr ný­út­komnum bókum og hafa þær til sölu hjá Stor­ytel!“

Jakob segist í færslu sinni binda vonir við að Sam­keppnis­eftir­litið taki málið til skoðunar, en óttast að lenda undir í bar­áttunni enda Penninn stórt fyrir­tæki.

„Frjáls markaður og heil­brigð sam­keppni þrífst ekki nema með skýrum reglum og öflugu eftir­liti. En taki Sam­keppnis­eftir­litið málið til skoðunar kann það að taka langan tíma. Á meðan blæðir Uglu út. Penninn er fyrir­tæki sem velti yfir 5 milljörðum á síðasta ári og getur því auð­veld­lega staðið af sér hugsan­legar sektar­greiðslur og finnst það kannski til­vinnandi til að koma þeim skila­boðum til allra bóka­út­gef­enda á Ís­landi að setja ekki nýjar bækur í streymi hjá Stor­ytel. Við­skipti Uglu við Pennann skipta litlu máli í 5 milljarða dæmi Pennans, en þau skipta hins vegar öllu máli fyrir litlu Uglu.“

Leiðir ekki til dvínandi sölu

Jakob birtir með færslu sinni af­rit af tölvu­pósti sem hann sendi Ingi­mar þann 11. maí síðast­liðinn. Hann segir að ekkert svar hafi borist en endur­sendingar frá Pennanum hrannast upp næstu daga.

Jakob klórar sér í kollinum yfir þessu fram­ferði enda telur hann að hljóð­bóka­streymið hafi lítil sem engin á­hrif á bóka­markaðinn.

„Það er alls ekki reynsla mín að hljóð­bóka­streymið leiði til dvínandi sölu á prentuðu bókinni. Þeir sem hlusta mest á hljóð­bækur gera það með­fram öðrum at­höfnum, þ.e. á hlaupum, á gangi, í líkams­rækt, jafn­vel í sundi, við akstur, við marg­vís­lega líkam­lega vinnu og undir svefn, auk þess sem fólk sem á við sjón- og lestra­r­örðug­leika af ýmsu tagi að stríða tekur hljóð­bókinni fagnandi. Sú tækni­nýjung sem felst í starf­semi streymis­veitna er því leið til að stækka bóka­markaðinn og gera út­gef­endum kleift að ná til stærri og breiðari kaup­enda­hóps með vöru sína. Það hlýtur að vera ský­laus réttur minn sem út­gefanda að færa mér í nyt tækni­nýjungar til að koma út­gáfu­bókum Uglu á fram­færi við sem flesta og sömu­leiðis að skipta við hvern þann smá­sala sem mér hugnast,“ segir hann.