Stjörnublaðamaðurinn, Jakob Bjarnar, er allt annað en sáttur með aktivistana a á samfélagsmiðlinum Twitter. Hann lét skoðun sína í ljós í Bítinu á Bylgjunnií morgun.
„Svo kom nú upp einkennilegt mál. Sem fór nú kannski ekki mjög hátt. Við höfum farið yfir það áður. Það er með þennan Twitter-skríl,“ sagði Jakob Bjarnar í löngu viðtali á Bylgjunni.
„Twitter er náttúrulega holræsi Internetsins. Þar eru menn í endalausri herpingslegri brandarakeppni og dyggðarskreytingu,“ bætti hann við.
„Þetta er ekki eins gott fólk og það vill láta það líta út fyrir að vera því en þarna ríkir mikil refsigleði og læti.“
Máli sínu til stuðnings bendir hann á að Alexandra Briem, forseti borgarstjórnar, lét tíst um íslensku kvikmyndina Leynilögguna hverfa eftir að áhrifavaldurinn og hlaðvarpsstjarnan Edda Falak spurði hvort innleggið væri brandari.
Forsetinn var mjög ánægð með myndina ef marka má tístið.
„Hún er varla búin að sleppa orðinu og þá kemur Edda Falak. Sem fer nú fyrir aktivistunum þarna á twitter og spyr bara mjög merkingaþrungið: „Er þetta brandari“ og þá líður ekki á löngu og þá er Alexandra forseti borgarstjórnar búinn að taka tweetið út,“ segir Jakob.
Spurður um af hverju hún mátti ekki tísta þessu?
„Ég hef haldið því fram að allar stofnanir samfélagsins séu meira og minna á hnjánum gagnvart þessu,“ segir Jakob Bjarnar.
Þáttastjórnendur spyrja þá Jakob aftur hvað hafi ollið því að hún hafi tekið tístið út og segir Jakob það hafi verið vegna þess að hún hafi verið hræddu um að lenda í hakkavélinni.
„Það tengist þá því að í myndinni séu einhverjir menn sem hafa verið sakaðir um að hafa beitt kynferðislegu ofbeldi,“ segir Jakob Bjarnar og segir að það sé væntanlega Egill Einarsson „Leikfimikennari“ úr Kópavogi. „Hans mál sem ég hélt að væri bara búið að afgreiða. “
