Jakob Bjarnar, Illugi Jökuls og Bubbi takast á um há­marks­hraða: „Þetta rugl veitir löggunni skot­leyfi á borgarana“

Jakob Bjarnar Grétars­son, blaða­maður á Vísis er allt annað en sáttur með á­kvörðun borgarinnar um að lækka há­marks­hraða í Reykjavík. Til­laga að há­marks­hraða­á­ætlun Reykja­víkur var sam­þykkt í skipu­lags- og sam­göngu­ráði borgarinnar í gær og vísað til borgar­ráðs. Sam­kvæmt Reykja­víkur­borg er mark­mið á­ætlunarinnar sé að stuðla að bættu um­ferðar­öryggi og að nauð­syn­legt sé að draga úr um­ferðar­hraða til að ná því. Ekki sé rétt­lætan­legt að fórna heilsu veg­far­enda fyrir minni tafir

Gert er ráð fyrir því að há­marks­hraði verði 10km/klst á al­mennum vist­götum, 40km/klst á öðrum safn­götum og húsa­götum í iðnaðar­hverfum og 50km/klst á stofn­götum og borgar­götum. Jakob segir á face­book að ekki einu sinni amma á sunnu­dags­rúnti muni fylgja þessu.

„Engin til­vik eru um um­ferðar­ó­happ innan borgar­marka sem bein­línis má rekja má til of mikils há­marks­hraða. Þar kemur eitt­hvað annað til. Sá sem veldur tjóni með ofsa­akstri er þegar búinn að brjóta lög um há­marks­hraða,“ skrifar Jakob Bjarnar.

„Ef löggan grípur ein­hvern á 160 km hraða þá er það falskt öryggi að halda að lækkun há­marks­hraða úr 60 í 40 breyti ein­hverju þar um. Þetta rugl veitir löggunni skot­leyfi á borgarana því ekki einu sinni amma á sunnu­dags­rúnti fer um auðar stofn­brautir á 40. Og þannig elur þetta á ó­virðingu fyrir þeim lögum og reglum sem eiga fullan rétt á sér. Það er það versta og nokkuð sem for­ræði­hyggju­dólgarnir leiða aldrei huga að, með sínu kær­leik­sof­beldi,“ skrifar Jakob enn fremur en færslan hefur vakið gríðar­lega at­hygli.

Um 150 um­mæli eru undir færslunni frá hinum ýmsu Ís­lendingum. Illugi Jökuls­son spyr þar Jakob hvort lækkunin snúist ekki meira um svif­ryk frekar en um­ferðar­ó­höpp og hafa um tuttugu manns svarað honum m.a. Bubbi Morthens en hann segir við Illuga að svif­rykið sé í boði borgarinnar þar sem um er að ræða ó­nýtt mal­bik sem er illa þrifið.