Jakob Bjarnar furðar sig á nýrri klippingu Egils Helgasonar: „Meiri forréttindamelurinn“

Líkt og flestum ætti nú að vera kunnugt er í gildi tíu manna samkomubann á landinu öllu og lokað hefur verið fyrir þjónustu sem krefst mikillar nándar. Dæmi um slíka þjónustu eru hárgreiðslustofur en landsmenn hafa ekki fengið að fara í klippingu í tæpar tvær vikur.

Blaðamaðurinn Jakob Bjarnar Grétarsson er einn af þeim sem vekur athygli á málinu á Facebook síðu sinni en hann beinir þar spjótum sínum að fjölmiðlamanninum Agli Helgasyni.

Egill Helgason í sjónvarpsþættinum Kiljunni í kvöld.

Skjáskot/RÚV

„Meiri forréttindamelurinn hann Egill! Af hverju fær hann klippingu á Covid-tímum en enginn annar á Íslandi?“ spyr Jakob og merkir Egil í færslunni þannig líklegast er um að ræða góðlátlegt grín.

„Nú er Egill einn harðasti lokunarsinni landsins og svo laumar hann sér í klippingu og gefur þríeykinu langt nef,“ segir hann enn fremur og spyr meðal annars hvort Víðir viti af málinu.

Málið virðist þó hafa einfaldar skýringar en Egill sjálfur segir: „Egill er svo vel kvæntur. Hann á konu sem er margt til lista lagt.“ Jakob svarar á léttu nótunum að svo hlyti að vera og hrósar konu hans fyrir flott verk.

Færslu Jakobs og samskiptin við Egil má lesa hér fyrir neðan.