Flugstjóri hjá íslenska flugfélaginu Play hefur vakið mikla athygli á netinu eftir hann náðist á myndband að hlaða töskum flugvélarinnar sem hann stýrir sjálfur.
Flugfélagið deildi myndbandinu upphaflega og hefur flugstjórinn fengið mikið lof í athugasemdum. Starfsmannaskortur á flugvöllum hefur verið að valda seinkunum víða um heim.
Flugvélin, sem stödd var í Dublin í Írlandi, varð fyrir seinkunn vegna starfsmannaskorts á flugvellinum í Dublin vegna Covid-19 smita. Flugstjórinn tók því málin í eigin hendur og hlóð töskum farþega vélarinnar í flugvélina sjálfur, til þess að flýta fyrir brottför vélarinnar.
Play fagnar í dag að ár er liðið frá því að flugfélagið fór í sitt fyrsta flug, sú flugferð var til London í Bretlandi. 320 þúsund manns hafa síðan flogið með þeim. Áfangastaðir félagsins eru í dag 25 talsins.
