Ís­lenska óperan sökuð um ras­isma: „Eru Ís­lendingar að bjóða upp á „Yellowface?“

Laura Liu, kín­verskur fiðlu­­leikari hjá Sin­­fóníu­hljóm­­sveit Ís­lands, gagn­rýnir Ís­lensku óperuna harð­lega fyrir sýninguna Madama Butter­fly sem frum­­sýnd var í vikunni í Hörpunni.

Hún segir sýninguna ýta undir rasískar staðal­í­­myndir og segist hafa fengið mjög dóna­­leg við­brögð frá hljóm­sveitar­­stjóra.

Hún spyr á Fa hvort Ís­­lendingar séu farnir að bjóða upp á „yellowface" á ný, en það er þegar leikari, sem er ekki af asískum upp­­runa, litar and­lit sitt til að leika asískt hlut­­verk.

Slík hefð var einnig al­­geng meðal hvítra leikara sem léku svört hlut­­verk með svo­kölluðu „black­face“. Sú hefð var mjög al­­geng meðal leikara og grín­ista á fyrri hluta 20. aldar en hefur verið að mestu leyti verið lögð niður sökum gagn­rýni um ras­­isma.

Ís­­lenska óperan stendur á bak við sýninguna Madama Butter­fly, óperu eftir ítalska tón­­skáldið Puccini og gerist í Japan um alda­­mótin 1900. Óperan fjallar meðal annars um 15 ára japanska stúlku sem verður ást­­fangin af banda­rískum sjó­liðs­­foringja. Sjó­liðinn endar á því að giftast stúlkunni og gerir hana ó­­létta áður en hann yfir­­­gefur bæði hana og Japan í þrjú ár.

„Til að byrja með þá eru þau að sýna óperu frá alda­­mótunum 1900 sem gerist bæði í Banda­­ríkjunum og Japan. Óperan er eftir ítalskan mann sem hafði hvorki komið til Banda­­ríkjanna né Japans. Þannig þessi sýning er í rauninni bara að ýta undir þær staðal­í­­myndir sem þetta tón­­skáld hafði um asískt fólk til að byrja með,“ segir Laura.

Fjöl­margir taka undir með henni í Face­book þræði hennar en Le­van­ter Török sýningar­stjórinn býður Laura á sýningu svo hún sjái að sýningin er ekki rasisk.

„Við elskum þegar hvítt fólk út­skýrir menningu annarra fyrir þeim,“ segir Larissa Weidler undir færslunni ern Török hefur eytt færslu sinni.

„Þessi um­mæli anga af for­réttindum og ras­isma,“ segir Eliza­beth Lay.