Íslenska karlalandsliðið í knattspyrnu fær slæma útreið á samfélagsmiðlum eftir slaka frammistöðu gegn Armeníu í undankeppni HM í dag. Ísland tapaði 2-0 gegn Armeníu sem situr í 99. sæti heimslista FIFA á meðan Ísland er í 46. sæti.
Armenar skoruðu bæði mörk sín í seinni hálfleik og vakti lítill ákafi íslensku varnarmannanna athygli. Bæði mörkin komu með fínum skotum utan úr teignum sem Hannes Þór Halldórsson í markinu réði ekki við, en ljóst að bakverðir íslenska liðsins hefðu getað gert miklu betur.
Ísland hefur nú tapað báðum leikjum sínum í riðlinum og ekki enn skorað mark eftir 3-0 tap gegn Þjóðverjum í vikunni. Líkurnar á að Ísland komist í lokakeppni HM eru því ekki ýkja miklar sem sakir standa en vissulega margir leikir enn eftir.
Landsmenn voru duglegir að tísta um leikinn og hér má sjá brot af umræðunni. Óhætt er að segja að menn hafi verið svekktir með frammistöðu íslenska liðsins, skiljanlega kannski enda býsna góðu vön eftir góðæri síðustu ára.
Menn nenna varla tilbaka. Þvílíkt andlegt þrot. Alvöru vinna sem bíður nýs þjálfara.
— Rikki G (@RikkiGje) March 28, 2021
Íslenska fótboltaævintýrið er búið. Gamalt, þreytt og steingelt. Andlega og líkamlega.
— Magnus Eyjolfsson (@magnusgeir) March 28, 2021
Jæja. Hættum nú að halda að Hamrén hafi verið málið eða klína á Adda. Það þarf endurnýjun og það strax. Frábærir tímar að baki en þeir eru liðnir.
— Magnús Þór Jónsson (@maggimark) March 28, 2021
Úff
— Egill Einarsson (@EgillGillz) March 28, 2021
Vá hvað þetta landslið er andlaust. Það er þó staðfest að Gylfi Sig er besti íslenski leikmaður frá upphafi. #fotboltinet
— Gunnar Bjartur (@GunnarBjartur) March 28, 2021
Ég elska þetta lið og þessa drengi. Sé mikið kallað eftir endurnýjun. Okei, let's hear it. Hverjir eiga að detta út og hverjir eiga að koma inn. Vill tandurhreina ísl takk. #fotboltinet #fyririsland #ÁframÍsland
— Matti Matt (@mattimatt) March 28, 2021
Átakanlega lélegt #fotboltinet
— Gudmundur Brynjolfss (@GBRYNJOLFSSON) March 28, 2021
Ég er á því að landsliðið eigi að fara í endurnýjunarfasa núna. Við erum ekki að fara á þetta skrítna HM í Dubai. Nú þarf að hleypa nýjum kröftum að. #armisl
— Guðni Tómasson (@Gydnid) March 28, 2021
<Það er líka alveg kominn tími til að fjölmiðlar hætti þessari meðvirkni og fari að spurja alvöru spurninga varðandi þetta landslið #fotboltinet
— Pétur Elvar (@PeturElvar) March 28, 2021
Er Gylfi það mikilvægur að þeir geta bara ekki neitt án hans? Þeir eru með góðann hóp af leikmönnum. Á ekki að vera svona lélegt án eins manns... #fotboltinet
— Kristín Lovísa (@Lobbsterinn) March 28, 2021
