Ákveðið var í vikunni að Daníel Gunnarsson yrði ákærður fyrir morð og limlestingu í Kaliforníu. Ákæran verður gefin út síðar í þessum mánuði.
Fréttablaðið greinir frá þessu, en líklegt þykir að örlög Daníels verði ráðin af kviðdómi vestanhafs.
Daníel, sem er rúmlega tvítugur, var í maí í fyrra handtekinn grunaður um að hafa myrt Katie Pham, sem var fyrrverandi bekkjarsystir hans. Þá er hann jafnframt grunaður um að hafa limlest lík hennar.
Hann á íslenskan föður og tékkneska móður, en flutti ungur með móður sinni til Kaliforníu, nánar tiltekið til borgarinnar Ridgecrest í Kern-sýslu, þar sem morðið á Pham var framið.
Nánar er fjallað um málið á vef Fréttablaðsins.
