Íslendingur hafði heppnina með sér í gærkvöld þegar dregið var í EuroJackpot. Hann er einn af sex vinningshöfum sem deila með sér 2. vinningi og fær hver þeirra rúmlega 48,3 milljónir.
Miðinn góði var keyptur hjá Bitanum, Iðavöllum 14b í Reykjanesbæ. Hinir fimm miðarnir voru allir keyptir í Þýskalandi.
1. vinningur gekk ekki út og flyst því vinningsupphæðin yfir á 1. vinning í næstu viku. 4 miðahafar skiptu með sér 3. vinningi og fá þeir rúmar 25,5 milljónir hver. Einn miði var keyptur í Noregi og þrír í Þýskalandi.
Einn heppinn miðahafi var svo með allar réttar tölur í réttri röð í Jóker og hlýtur hann 2 milljónir króna í vinning. Miðinn var keyptur á vefnumlotto.is. Þá voru fjórir með 4 réttar tölur í réttri röð og fá þeir 100 þúsund krónur í vinning hver.
Einn miði var keyptur í Happahúsinu í Kringlunni, einn miðinn var í áskrift og tveir miðar voru keyptir í Lottó appinu.
