Íslenskur karlmaður, Stefán Gíslason, fékk í mars síðastliðnum lífstíðardóm fyrir morð í Flórída í Bandaríkjunum. Fjallað hefur verið um mál Stefáns í íslenskum fjölmiðlum en dómur er nú fallinn í málinu.
Stefán var ákærður fyrir að myrða mann að nafni Dillon Shanks, sem var 32 ára.
Samkvæmt heimildum Fréttablaðsins, sem greindi frá málinu á sínum tíma, á Stefán íslenskan föður og bandaríska móður.
Hann var ungur að árum þegar hann fluttist með foreldrum sínum til Flórída og hefur búið þar alla ævi. Dillon var skotinn til bana og fannst lík hans í heimahús í apríl 2020.
Stefán var sagður hafa hringt í lögregluna og tjáð henni að Dillon hefði framið sjálfsmorð. Vegna vitnisburðar tveggja aðila taldi lögreglan hins vegar að svo hafi ekki verið og var það staðfest með umræddum lífstíðardómi í mars síðastliðnum.
