Ekki hafa borist endanleg svör frá stjórnvöldum um það hvort skákstarf fullorðinna megi hefjast. Stjórn Skáksambands Íslands stefnir á að bæði landsliðs- og áskorendaflokkur Skákþings Íslands, hið eiginlega Íslandsmót, fari fram dagana 22. til 30. ágúst.
„Skáksamband Íslands skilaði inn sóttvarnaráætlun til heilbrigðisráðuneytisins fyrir helgi og óskaði eftir leyfi til að hefja skákstarf í samræmi við undanþágur um íþróttastarf. Það virðist flækja málin að SÍ er utan ÍSÍ en í gegnum tíðina hefur Skáksambandið verið skilgreint sem íþróttasamband að hálfu menntamálaráðuneytis þrátt fyrir það,“ segir í frétt á vef Skáksambands Íslands.
Þar segir að málið sé í farvegi innan heilbrigðisráðuneytisins sem þarf að afgreiða undanþágu fyrir Skáksambandið. Vonast er til þess að jákvætt svar berist fyrir lok vinnudags í dag.
„Ef jákvæð undanþága berst í dag fer fram landsliðsflokkur fram í Álftananesskóla og áskorendaflokkur fram í skákhöll TR. Mótin hefjast á laugardaginn. Þegar svar berst eru komnar leiðbeiningar fyrir Skáksambandið og aðildarfélög þess um skákstarf miðað við núverandi sóttvarnarlegur,“ segir í fréttinni og því bætt við að skákmönnum sé þökkuð þolinmæðin.
