Ingó segist fara verða þrek­laus á að svara rang­færslum: „Ég er sak­­laus og mun berjast þó ég standi einn“

Ingólfur Þórarins­son, betur þekktur sem Ingó Veður­guð, skrifaði færslu í dag á Face­book þar sem hann svarar fyrir frétt DV í dag þar sem nafn­laus kona segist hafa kært Ingó fyrir líkams­á­rás í fyrra. Hann birtir samskipti sín við lögregluna máli sínu til stuðnings.

„Í aðal­með­ferð í meið­yrða­máli Ingós gegn Sindra Þór Sig­ríðar­syni fyrir Héraðs­dómi Reykja­víkur, síðast­liðinn mánu­dag, sló það við­stadda blaða­menn að ekkert vitni var leitt fram sem hafði haft bein kynni af Ingó. Þá kom einnig fram að Sindri, sem sakaði Ingó um að „ríða börnum“, vitnaði ekki um nein bein tengsl við meinta þol­endur Ingós,“ segir í frétt DV.

Stað­hæft hefur verið að Ingó hafi hvorki verið kærður, á­kærður né sak­felldur fyrir brot gegn konum. En DV rifjaði síðan upp að ó­nafn­greinda konu sem sagði reynslu­sögu númer 3 sem að­gerðar­hópnum Öfgar birti greinir hún frá því að hún hafi kært Ingó fyrir líkams­á­rás sumarið 2021 sem átti sér stað 2017 en lög­reglan sagði málið fyrnt.

„Ég fer að verða ansi þrek­­laus í þessu öllu og enn og aftur hef ég enga leið til að verja mig þar sem allt er nafn­­laust. Að eg fari svo að kýla konu og hrækja framan í er í besta falli galið en þetta synir hversu langt á­­kveðnir hópar eru til í að ganga.

Hér kemur skýrt fram að ég hef ALDREI verið á­kærður fyrir of­beldis­brot eða kyn­­ferðis­brot enda aldrei gert slíkt,“ skrifar Ingó á Face­book.

„Hús­brotið eru mis­tök þegar ég fór í sund eftir lokun í Vest­manna­eyjum. Eg veit ekki hvers vegna DV birtir svona en væntan­­lega því þar var ég nafn­­greindur fyrst undir mörgum lygum og vægast sagt ó­­­geð­­felldum sögum. Ég mun berjast þar til ég dey að hafa aldrei nauðgað, riðið börnum eða lamið konur. Það skal ég sverja upp á konuna mína, Pinna og Gumma bróður þau sem ég elska mest,“ heldur Ingó á­fram.

„Eg hvet svo fólk til að fara að blanda sér að­eins í þessi màl, lofa því að annars geta allir lent í svona og ef þú beygir þig ekki er logið. Við hvað eru allir annars hræddir? Þangað til venju­­legt fólk stoppar þessa bilun tekur þetta yfir allt sam­­fé­lagið og þetta er orðið vopn til að drepa hvern sem er. Eg er sak­­laus og mun berjast þó ég standi einn að berjast. Þetta fólk svífst einskis.“

„Mig langar mest af öllu að reyna að halda á­fram og fá frið með konunni minni og verðandi barni en ég verð að berjast fyrir því að fá eitt­hvað rétt­læti við því sem hefur verið sagt,“ skrifar Ingó að lokum og birtir mynd af samskiptum sínum við lögregluna.

Samskipti Ingó við lögregluna.

Ljósmynd/skjáskot