Ingólfur Þórarinsson, betur þekktur sem Ingó veðurguð, þvertekur fyrir það að vera fluttur heim til foreldra sinna. Smartlandið á mbl.is greindi frá því í að Ingó væri fluttur til foreldra sinna á Selfossi eftir að hafa sett raðhúsið sitt á Álftanesi á sölu í októbermánuði.
Ingó hafnar þessum fréttaflutningi Smartlandsins og segir góðar og gildar ástæður fyrir því að lögheimili hans sé nú í foreldrahúsum.
„Vegna fréttar Smartland á MBL vil ég koma eftirfarandi á framfæri. Ég er eingöngu með lögheimilið mitt skráð hjá foreldrum mínum tímabundið svo póstur og annað skili sér til mín þar sem ég hef ekki ennþá fundið mitt framtíðarheimili en það er í fullri vinnslu. Ég er búsettur í vinahúsi í bænum þó Selfoss sé alltaf bærinn,“ segir Ingó sem klykkir út með léttu skoti á Smartlandið:
„Er svo á leið í Nettó á eftir að kaupa mér flatkökur ef það vantar smelli.“
