Ingibjörg Dögg Kjartansdóttir, ritstjóri Heimildarinnar og samstarfskona Eddu Falak, er allt annað en sátt með umfjöllun DV.is um Eddu Falak og hlaðvarpsþáttinn Eigin konur í gær.
DV.is greindi frá því að áskrifendur hlaðvarpsþáttanna hafa greitt Eddu um tvær milljónir króna án þess að fá neitt nýtt efni, þegar þeim er lofað fjórum þáttum í mánuði.
Ritstjóranum þykir illa vegið að Eddu með þessari umfjöllun og segir Eddu hafa verið í fríi í janúar.
„Sá frétt á DV í dag þar sem ýjað er að því að Edda Falak sé að svíkjast undan vegna þess að hún tók sér frí í janúar. Sem síðan var tekin upp af fleiri miðlum. Þetta er hluti af því áreiti sem hún þarf stöðugt að þola, þar sem fjölmiðlar leika sér að gera hana að viðfangsefni, þegar hún má ekki fara í frí eins og annað fólk án þess að það séu birtar um það neikvæðar fréttir í fjölmiðlum,“ skrifaði Ingibjörg á Facebook í gær.
Hún segir fæsta gera sér grein fyrir upplýsingaöflun og úrvinnslu gagna sem liggur á bak hverjum þætti hjá Eddu og segir hana stöðugt vera vinna að því að finna frásögnum þolanda réttan farveg.
Edda hefur þurft að þola neikvæða umræðu um sig á opinberum vettvangi fyrir vinnu sínu, sem í sumum tilfellum er meiðandi og í verstu tilfellum ógnandi.
Hægt er að lesa pistill Ingibjargar í heild sinni hér að neðan.
