Kynfræðingurinn Indíana Rós er ekki sammála athafnamanninum Simma Vill sem velti því upp á dögunum hvort íslenskar konur væru kynsveltar.
Simmi hélt því að fram að það gæti útskýrt allar kynlífsverslanirnar á Íslandi um þessar mundir en þeim vegni einstaklega vel vegna þess. Indíana er ósammála þessu.
„Ég held það sé meira að umræðan um sjálfsfróun, fullnægingar kvenna og kynlífsánægju kvenna,“ segir Indíana í samtali við Regínu Ósk og Yngva Eysteins á K100.
„Ég meina eins og ef ég hugsa um kynfræðsluna mína. Þá var það eitthvað: Strákar eru með typpi. Þeir fá það, þeir fá sáðlát. Konur fara á túr. Og hérna eru upplýsingar um túr. Þið verðið óléttar og þetta er allt ömurlegt og hrikalegt. En svo er það bara hey: Það er snípur þarna? Vá, snertum hann aðeins. Hey, það er tæki sem getur hjálpað mér með það,“ bætti hún við.
„Ég held það sé frekar það heldur en að við séum eitthvað kynsveltar,“ sagði hún einnig og fagnaði því að konur væri komnar með meiri rödd.
Hægt er að hlusta á viðtalið við Indíönu hér.
