Illugi furðar sig á við­brögðum Katrínar og Svan­dísar: „Vernda Bjarna Bene­dikts­son og partí­stand hans“

Fjöl­miðla­maðurinn Illugi Jökuls­son kveðst vera undrandi á við­brögðum ríkis­stjórnarinnar við sótt­varna­laga­broti Bjarna Bene­dikts­sonar, fjár­mála­ráð­herra.

„Ég hef ekki verið að­dáandi þessarar ríkis­stjórnar fram að þessu. Það er meira að segja nokkuð langt frá því, eins og ég vona að ekki hafi farið milli mála,“ skrifar Illugi á Face­book síðu sinni. Hingað til hafi hann þó fús­lega viður­kennt að stjórninni hafi tekist nokkuð vel upp í sótt­varnar­vörnum.

„En nú er sá orð­stír ó­nýtur líka, og þær Svan­dís og Katrín láta fallast á sverð sín til þess eins að vernda Bjarna Bene­dikts­son og partí­stand hans,“ skrifar Illugi. „Skrýtin eru ör­lögin.“

Boðskapur frelsarans gildir ekki í ríkistjórn Íslands

Illugi bendir því næst á að sætu aðrir í stjórninni hefði at­burða­rásin verið önnur. „Ef Logi Einars­son væri for­sætis­ráð­herra í stjórn Sam­fylkingar, Pírata og Við­reisnar og Þor­gerður Katrín Gunnars­dóttir fjár­mála­ráð­herra hefði hagað sér eins og Bjarni Bene­dikts­son gerði á Þor­láks­messu, þá hefðu stjórnar­and­stæðingarnir Katrín Jakobs­dóttir og gjör­vallur Sjálf­stæðis­flokkurinn heimtað tafar­lausa af­sögn hennar,“ út­skýrir Illugi.

„Það vitum við og þarf ekkert að orð­lengja um. Og þar með vitum við núna – ef við höfum ekki gert okkur grein fyrir því áður – að í ís­lenskri pólitík ríkir al­gjör af­stæðis­hyggja og prinsip eru engin.“

Það eigi í það minnsta ekki um þá stjórn­mála­flokka sem fara með völdin. „Sá sem fæddist að sögn á jólum, hann sagði: „Það sem þér viljið að aðrir menn gjöri yður, það skuluð þér og þeim gjöra.“ Þetta gildir ekki í ríkis­stjórn Ís­lands.“