Icelandair ætlar að hefja flug til 10 áfangastaða þann 15. júní næstkomandi, eða á sama tíma og farþegum sem koma til landsins verður gefinn kostur á að gangast undir skimun.
Morgunblaðið fjallar um þetta í dag en að undanförnu hefur Icelandair aðeins flogið til þriggja áfangastaða; London, Stokkhólms og Boston.
Þessar borgir verða áfram í boði en við bætast sjö: Kaupmannahöfn, Berlín, Munchen, Amsterdam, Osló, Zurich, Frankfurt og París.
Birna Ósk Einarsdóttir, framkvæmdastjóri sölu- og þjónustusviðs Icelandair, segir við Morgunblaðið að horft sé til tveggja vikna í senn í áætlanagerð. Hún segir að 15 þúsund króna skimunargjald hafi haft sitt að segja og eitthvað hafi verið umafbókanir.
„Því miður hefur verið svolítið um að Danir hafi afbókað sig og svo hafa komið afbókanir frá stórum þýskum hópum sem áttu eldri bókanir hingað,“ segir hún.
