Í­búum fækkað síðan íbúi númer 30 þúsund var boðinn vel­kominn

„Það er styttra í að bæjar­stjóri kveðji þrjú­hundruðasta Hafn­firðinginn sem flytur úr bænum árið 2020 en að bjóða þrjá­tíu­þúsundasta í­búann vel­kominn upp á nýtt,“ segir Jón Ingi Hákonar­son, odd­viti Við­reisnar í Hafnar­firði, í að­sendri grein á Vísi.

Jón Ingi viðrar þar á­hyggjur sínar af í­búa­fækkun í Hafnar­firði og rifjar upp í því sam­hengi að innan við ár sé liðið síðan Rósa Guð­bjarts­dóttir bauð íbúa númer 30 þúsund vel­kominn í sveitar­fé­lagið. Nú er svo komið að í­búum hefur fækkað og eru þeir nú aftur komnir undir 30 þúsund.

Jón Ingi segir að undan­farin ár hafi verið mikill vaxtar­tími á höfuð­borgar­svæðinu þar sem í­búum á suð­vestur­horni landsins hefur fjölgað mikið. Það sem af er þessu ári hafi í­búum Hafnar­fjarðar þó fækkað um 0,7%.

„Þann 31. októ­ber 2019 bauð bæjar­stjóri þrjá­tíu­þúsundasta í­búann vel­kominn með við­höfn en síðan þá hefur bæjar­búum aftur fækkað og eins og staðan er núna munum við þurfa að fagna þeim á­fanga aftur. Þetta er á­hyggju­efni af nokkrum á­stæðum,“ segir Jón Ingi og nefnir til dæmis árangur Hafnar­fjarðar í skipu­lags- og byggingar­málum.

„Hefðum við ekki flotið sofandi að feigðar­ósi í skipu­lags- og byggingar­málum má ætla að í bænum væru þrjú þúsund nýir Hafnar­firðingar sem skiluðu um tveimur og hálfum milljarði í auknar tekjur ár­lega. Það er ekki fjarri þeirri upp­hæð sem meiri­hlutinn mun sætta sig við sem ein­skiptis sölu­hagnað af bréfum bæjar­fé­lagsins í HS Veitum,“ segir hann.

Hann segir að þessi tíðindi setji ó­vönduð vinnu­brögð meiri­hlutans í nýtt sam­hengi.

„Þegar honum var bent á það hversu mikla holu hann hafði grafið sig í var hlaupið af stað og leitað að ein­hverri skyndi­lausn til þess að grafa sig úr vandanum. Lausnin var sú að falla frá vandaðri undir­búnings­vinnu við ramma­skipu­lagið á Hraun Vestur og bjóða einum lóðar­hafa bruna­af­slátt af öllum gæða­kröfum í þeirri von að sú upp­bygging myndi fela að ein­hverju leiti úr­ræða­leysi undan­farinna ára,“ segir Jón Ingi og bætir við að út­litið sé ekki endi­lega bjart.

„Það er styttra í að bæjar­stjóri kveðji þrjú­hundruðasta Hafn­firðinginn sem flytur úr bænum árið 2020 en að bjóða þrjá­tíu­þúsundasta í­búann vel­kominn upp á nýtt. Hvort við­komandi fái blóm­vönd og krútt­körfu er ekki vitað.“