Linda Björk Guðjónsdóttir snæddi á Café Mílanó með manni sínum í gær. Hún og maður hennar fengu sér sitthvoran kaffibollan ásamt smurbrauði og roastbeef samloku. Alls kostaði þetta næstum 8 þúsund krónur og birtir hún kvittunina.
„Ég fór með Sigurbjörn Gestsson á #cafemilano , við fengum okkur kaffi og smurbrauð, það var bara fínt EN það kostaði 7760 krónur. Er þetta bara eðlilegt verð? 790 kr fyrir kaffibolla (bara uppá hellt ekkert fancy) og 3090 kr fyrir smurbrauð sneið?“ spyr Linda alveg gáttuð á verðinu.
Fjölmargir taka undir með Lindu og segir Sigrún Sighvatsdóttir að þetta sé nýtt met í kaffi okri. Þá er nokkrir sem benda á að kaffið sé uppáhelt á staðnum.
„Kaffið alltof dýrt en glæsilegu smurbrauðssneiðarnar kannski á eðlilegu verði miðað við annars staðar. Og þær eru æðislega góðar. Reyndar er kaffið líka besta kaffi sem ég fæ en.. já of dýrt,“ segir Herdís Ragna.
„Nei þetta er ekki eðlilegt, ég og vinkona mín vorum vanar að hittast þarna yfir kaffibolla og kökusneið en hættum því út af okrinu og fluttum okkur yfir í Ikea, sjáum ekkert eftir því,“ bætir Edda Karlsdóttir við.
En líflegar umræður hafa verið um verðlagið í hópnum Vertu á verði á Facebook.
Kvittunina má sjá hér að neðan.
