Vanda Sigurgeirsdóttir, formaður Knattspyrnusambands Íslands segist taka umræðu, í tengslum við KSÍ síðustu taka, nærri sér. Landsliðsfólk hefur stigið fram og sagt farir sínar ekki sléttar varðandi heiðursviðurkenningar og kveðjustundir í tengslum við landsliðsferla sína og þá hefur KSÍ legið undir mikilli gagnrýni vegna vináttuleiks íslenska karlalandsliðsins við Sádi-Arabíu.
„Ég tek umræðu síðustu daga mjög nærri mér, enda hef ég, frá því að ég steig mín fyrstu skref í fótbolta, barist fyrir vægi kvennaknattspyrnu," skrifar Vanda í færslu á samfélagsmiðinum Facebook.
„Nú eftir að ég kom til KSÍ er þessi barátta ekki bara á Íslandi heldur einnig í Evrópu.“
„Það stingur mig í hjartað. Mig langar því að útskýra. KSÍ fylgir reglugerðum sínum um að leikmenn fái heiðursviðurkenningar fyrir 50 og 100 leiki. Hefð er fyrir því að leikmenn sem ná 100 leikjum fái málverk sem afhent er á ársþingi eða við önnur hátíðleg tilefni. Ekkert annað er í verkferlum og reglugerðum KSÍ um þessi mál. En hvað þá með þessar treyjur? skrifar Vanda svo.
Þó nokkrir hafa tekið máls undir færslu Vöndu meðal annars rithöfundurinn Ásmundur Helgason.
„Góð skýring - takk fyrir Vanda Sigurgeirsdóttir. Nú máttu hætta með Aron Einar. Þá eykst jafnréttið - sem er jú markmiðið. Ég er búinn að fara á alla heimaleiki karlalandsliðsins í um 30 ár en hingað og ekki lengra takk,“ skrifar Ásmundur.
Hægt er að lesa ummfjöllun um færslu Vöndu hjá Fréttablaðinu hér.
