Hundur beit barn í and­litið - flutt í bæinn til að­hlynningar

Barn var flutt til að­hlynningar á Heilsu­gæslu á Sel­fossi og síðan til frekari að­stoðar í Reykja­vík eftir að hundur á sveita­bæ í upp­sveitum Ár­nes­sýslu beit það í and­litið. Barnið, sem mun hafa verið gest­komandi á bænum, komið heim að kvöldi dags eftir að gert hafði verið að sárum þess. Þetta kemur fram dag­bók lög­reglunnar á Suður­landi.

Þá kom upp eitt mál varðandi heimilis­of­beldi á Suður­landi í liðinni viku. Það til með­ferðar eftir við­eig­andi ferlum. Annað mál, ó­skylt því fyrra, er varðar brot á nálgunar­banni kom upp og er í venju­bundnum rann­sóknar­far­vegi.

Ferða­maður ökla­brotnaði á göngu í ís­helli í austan­verðum Breiða­merkur­jökli þann 6. apríl. Björgunar­sveitir kallaðar til að­stoðar og við­komandi borinn í farar­tæki og síðan fluttur til móts við sjúkra­bif­reið. Að­gerðin tók um 3 klst.

Átta um­ferðar­slys voru til­kynnt til lög­reglu en meiðsl einungis skráð í einu þeirra. Þar var um að ræða bif­reið sem lenti út af vegi sunnan við Gull­foss og valt. Öku­maður einn í bílnum og komst út af sjálfs­dáðum en var fluttur til að­hlynningar á sjúkra­húsi.