Hulda B. Waage, kraftlyftingakona og margfaldur Íslandsmeistari í greininni, minnir ökumenn á að fara varlega. Hulda er búsett á Akureyri og beinast orðin að ökumönnum í bænum. Eiríkur Jónsson greindi fyrst frá.
„Jæja, í fyrra var keyrt á barn fyrir framan mig og barnið mitt á leið í skólann. Allan 1. bekk þurfti ég að fylgja henni og byrjun 2. bekk,“ segir Hulda og bætir við að í morgun hafi dóttir hennar fengið hana til að fylgja sér að ljósunum í samverustund. Ekki gekk það áfallalaust eins og Hulda bendir á.
„Það munaði hársbreidd að ekki væri keyrt yfir hana. Þetta var alveg þannig að ég ópaði upp yfir mig og hún skjálfandi á beinunum. Hvort ég komi barninu aftur í sjálfstæðið að geta gengið um er risa spurning. Akureyringar eru verstu ökumenn alheims,“ segir Hulda og líklega óhætt að taka undir þessi hvatningarorð hennar til ökumanna um að flýta sér hægt og fara varlega – sérstaklega í nágrenni við skóla þar sem börn eru á ferli.
Jæja, í fyrra var keyrt á barn fyrir framan mig og barnið mitt á leið í skólann. Allan 1.bekk þurfti ég að fylgja henni og byrjun 2.bekk.
— Hulda B. Waage (@HuldaBWaage1) November 2, 2021
Í morgun fær hún mig til að fylgja sér að ljósunum, samverustund.
Það munaði hársbreidd að ekki væri keyrt yfir hana.
