Hrós dagsins: „Þú ert með fal­legt hjarta á hár­réttum stað“

Hrós dagsins fá Örvar Þór Guð­munds­son og góð­gerða­sam­tökin Sam­ferða sem komu ein­stæðri móður heldur betur til hjálpar í vikunni.

Örvar Þór er í stjórn sam­takanna en að þeim koma einnig knatt­spyrnu­kempurnar Her­mann Hreiðars­son og Rútur Snorra­son.

Örvar sagði frá því á Face­book að hann hefði fengið veður af ungri konu með tvö lítil börn sem hefði einungis 17 þúsund krónur á milli handanna til að lifa af seinni hluta apríl­mánaðar. Á Ís­landi kemst maður því miður ekki langt fyrir slíka upp­hæð, hvað þá með tvö ung börn. Konan missti manninn sinn árið 2019 og var í vanda stödd.

Örvar lét vanda konunnar ekki sem vind um eyru þjóta heldur hélt af stað og hafði sam­band við fjölda fyrir­tækja sem lögðu sitt af mörkum. Pro Optik í Kringlunni gaf öðru barni konunnar vönduð gler­augu sem kosta 60 þúsund krónur. Fata­verslun gaf móðurinni boli, sokka, nær­föt og skó fyrir börnin og sig líka. Cintamani gaf fjöl­skyldunni vetrar­föt fyrir bæði börnin og móðurinni úlpu.

Ó­hætt er að segja að þessi frá­sögn hafi snert við mörgum og rigndi fal­legum kveðjum yfir Örvar. Í Face­book-hópnum Hrós dagsins fékk Örvar mikið hrós. „Mikið er þetta fal­legt og göfugt fram­tak,“ segir einn notandi hópsins á meðan annar bætir við: „Þú ert með fal­legt hjarta á hár­réttum stað.“

Frá­sögn Örvars má lesa í heild sinni hér að neðan:

Við hjá Sam­ferða fengum á­bendingu á þriðju­dags­kvöldið. Þessi á­bending snerti okkur mikið. Um var að ræða unga móðir með tvö lítil börn. Maðurinn hennar lést árið 2019. Hún átti til 17.000 krónur til að lifa síðustu 15 dagana í apríl. Það sem meira er, sonur hennar 4 ára er með mikla sjón­skekkju og var ný­búinn að brjóta ó­vart ódýr gler­augu sem hann átti.

Þar sem ég átti lausa stund í gær þá á­kvað ég að fara ó­hefð­bundnar leiðir á þessum skrítnu tímum sem heimurinn býr við. Setti mig í sam­band við þessa fjöl­skyldu og við mældum okkur mót í Prooptik, sem er gler­augna­verslun í Kringlunni. Ræddi við yfir­mann í þeirra verslun og út­skýrði stöðu mála. Það stóð ekki á þeirri verslun. Verslunin gaf barninu vönduðustu gler­augun í búðinni sem eru ó­brjótan­leg og kosta um 60.000 krónur.

Því var næst farið í fata­verslun í Kringlunni. Þar fékk móðir að versla boli, sokka, nær­föt og skó fyrir börnin og fyrir sig líka.

Þá var þessu ekki lokið. Ég hafði sam­band við fram­kvæmdar­stjóra hjá Cintamani. Eftir að hafa út­skýrt fyrir honum stöðu mála þá stóð ekki á þeim heldur. Áttum að koma strax í verslun þeirra inní Garða­bæ. Þar tók hann á móti okkur með sumar og vetrar­föt á bæði börnin hennar á­samt úlpu á móðir. Pakki uppá 250.000 krónur.

Ég kvaddi svo móðir (sem var tár­vot úr gleði) og börnin hennar. Ekki með faðm­lagi (þar sem við hlýðum Víði og virðum 2 metra regluna) heldur hlý­legu brosi. Lét hana vita áður en hún settist inní bíl sinn að hún ætti ekki lengur 17 þúsund krónur inná debet­korti sínu heldur 100.000 krónur. Hún á því til pening fyrir mat fyrir sig og börnin út þennan apríl mánuð og getur mögu­lega gert eitt­hvað skemmti­legt fyrir börnin sín líka.

Við hjá Sam­ferða viljum þakka aftur Prooptik og Cintamani fyrir ó­trú­lega góð­vild.

Mamman sendi mér svo þennan póst áðan:

„Sæll Örvar

Mig langaði að þakka þér inni­lega fyrir allt sem þú gerðir fyrir litlu fjöl­skylduna mína í gær. Gleðin hjá krökkunum er ó­lýsan­leg. Allt sem þau fengu voru hlutir sem ég hef þurft að láta sitja á hakanum þrátt fyrir að það vantaði nauð­syn­lega. Fór líka í gær og verslaði stíg­vél á þau bæði.

Langaði líka að segja þér frá sam­tali milli mín og sonar míns í gær­kvöldi. Hann sagði mér að hann væri alveg viss um að þú værir vinur guðs. Því hann var sko búinn að biðja guð að fá svona úlpu (svarta með loð­kraga). Hann er búinn að biðja um svona úlpu í marga mánuði en ég hef ekki haft efni á henni. Svo spurði hann mig hvort ég gæti ekki beðið þig að skila til pabba að hann elskaði hann og saknaði hans. Því jú hann er alveg viss um að þú ert góð­vinur guðs þannig þetta var svo sjálf­sagt í hans unga huga.

Ég held að ég geti aldrei komið al­menni­lega í orð þakk­lætinu sem ég finn fyrir. Og hversu ó­trú­lega mikil hjálp þetta var. Takk fyrir okkur og takk fyrir gleðina sem ríkir hjá mínum börnum núna “.

Í flestum til­vikum síðustu ár höfum við hjá Sam­ferða góð­gerðar­sam­tökum verið að styrkja þá allra veikustu hér á landi. Alltaf er um að ræða fjár­styrk. Oft er þetta fólk sem er að berjast við krabba­mein. Bara á síðustu 14 mánuðum eru 11 ein­staklingar látnir sem við höfum verið að styrkja. Fólk á aldrinum 25-70 ára. Yndis­leg kona sem við höfum styrkt mikið síðustu ár tapaði sinni bar­áttu á mánu­dags­kvöldið og kvaddi okkar jarð­vist – góða ferð elsku Begga.

Ég líkt og Martin Lut­her King á mér draum. Ef allir Ís­lendingar myndu deila þessum status og styrkja okkar sam­tök um 500 krónur í dag eða á næstu mánuðum þá getum við auð­veld­lega haldið okkar starfi á­fram næstu 10 árin í það minnsta. Getum hjálpað mörg­hundruð fjöl­skyldum á hverju ári. Það þarf ekki meira til. Bara 500 kall. Ertu til í það?

Ban­ka­upp­lýsingar Sam­ferða:

Banki 0327-26-114

Kt. 651116-2870

Einnig er hægt að hringja í 900 númer Sam­ferða:

907-1081 – gefur 1000 krónur

907-1083 – gefur 3000 krónur

907-1085 – gefur 5000 krónur

907-1090 – gefur 10000 krónur

Eins og alltaf þá gefum við öll í stjórn Sam­ferða okkar vinnu. Eins er enginn kostnaður. Sökum þess gefum við alltaf allt sem safnast.

Ef þú lumar á­bendingu eða ert með spurningu þá er hægt að senda okkur skila­boð inná Face­book síðu Sam­ferða:

https://www.face­book.com/sam­fer­da­founda­tion/?eid=ARCNu_W1fjq72W9fGagUT0YAg­Mcv­sYI­EqVBSv_zOV39NqO3bj­dyvygG­hbLODkrrGqHabjA­Vx­K­Hb55Tzf

Á­fram ÍS­LAND...!!!