Hristir hausinn yfir stöðu mála í Mjóddinni: Salernisþrifum stórlega ábótavant

„Um ára­bil hef­ur skiptistöðin í Mjódd verið vís­vit­andi van­rækt af borg­ar­yf­ir­völd­um. Skiptistöðin er önn­ur fjöl­farn­asta um­ferðarmiðstöð lands­ins en um fjór­ar millj­ón­ir farþega fara ár­lega um hana. Van­ræksla svo mik­il­vægr­ar stöðvar bein­ist ekki bara að henni held­ur strætó­kerf­inu í heild.“

Þetta segir Kjartan Magnússon, borgarfulltrúi Sjálfstæðisflokksins, í aðsendri grein í Morgunblaðinu í dag. Þar gagnrýnir hann harðlega stöðu mála á skiptistöðinni í Mjóddinni.

„Miðpunkt­ur skiptistöðvar­inn­ar er upp­hitaður biðsal­ur þar sem farþegar geta hlýjað sér í skjóli fyr­ir veðri og vind­um. Um­hirðu og eft­ir­liti með saln­um, sem og sal­ern­isþrif­um, er stór­lega ábóta­vant. Sal­ur­inn er kulda­leg­ur og hús­búnaður fá­tæk­leg­ur. Samt er betra að bíða eft­ir strætó í saln­um en úti í kulda og trekki,“ segir Kjartan en tekur fram að málið sé ekki svo einfalt.

„Klukk­an 18 á kvöld­in er biðsaln­um lokað og farþegum vísað út. Skil­greind­ur anna­tími Strætó er frá kl. 16-19. Þessi lok­un bitn­ar á fjöl­mörg­um farþegum, sem gert er að híma í myrkri, kulda og trekki fyr­ir utan upp­hitaða stöðina á kvöld­in.“

Kjartan varpar fram þeirri spurningu hvort einhverjum detti í hug að viðskiptavinir annarra fólksflutningafyrirtækja þyrftu að una slíkri framkomu, að farþegum yrði til dæmis vísað út úr BSÍ, Leifsstöð eða flugstöðinni í Reykjavík og þeim gert að bíða úti í kuldanum.

Kjartan segir að borgarfulltrúar Sjálfstæðisflokksins hafi ítrekað lagt til að gerðar verði umbætur á skiptistöðinni í Mjódd. Í grein sinni tíundar hann þær.

• Opið á kvöld­in . Biðstöðin verði opin farþegum á kvöld­in á meðan stræt­is­vagn­ar ganga.
• Gæsla með biðsaln­um verði auk­in og sal­ern­isþrif­um komið í lag
• Sæt­um í biðsal verði fjölgað og þau löguð sem fyr­ir eru. Biðsal­ur­inn verði gerður hlý­legri, t.d. með upp­setn­ingu lista­verka.

Kjartan segir að ofangreind atriði séu svo sjálfsögð þjónusta að varla ætti að þurfa að flytja um þau sérstaka tillögu, hvað þá berjast fyrir þeim árum saman.

„Til­lag­an var lögð fram á síðasta borg­ar­stjórn­ar­fundi, 3. janú­ar. Í októ­ber sl. hafði sam­hljóða til­laga verið flutt í um­hverf­is- og skipu­lags­ráði en frestað af meiri­hlut­an­um. Þrátt fyr­ir að til­lag­an væri út­skýrð og rædd í þaula á borg­ar­stjórn­ar­fund­in­um treystu borg­ar­full­trú­ar meiri­hlut­ans sér ekki til að samþykkja hana held­ur vísuðu henni til borg­ar­ráðs.“

Kjartan segir að mörg ár séu liðin síðan byrjað var að berjast fyrir úrbótumm en 2016 og 2017 lögðu borgarfulltrúar flokksins til að skiptistöðin yrði opin á kvöldin og gerðar frekari úrbætur.

„Þá eins og nú færðust full­trú­ar vinstri meiri­hlut­ans lengi und­an því að taka til­lög­una til af­greiðslu. Það tókst þó í júní 2017 og var til­lag­an þá felld með at­kvæðum Sam­fylk­ing­ar­inn­ar og fylgi­flokka henn­ar. Nú­ver­andi meiri­hluti Sam­fylk­ing­ar, Fram­sókn­ar, Pírata og Viðreisn­ar vill ekki samþykkja svo ein­falda til­lögu þrátt fyr­ir að málið hafi verið til skoðunar með ein­um eða öðrum hætti í borg­ar­kerf­inu síðan í janú­ar 2016 eða í sex ár! Slíkt er ótví­ræður vitn­is­b­urður um arfaslaka verk­stjórn og metnaðarleysi í mál­efn­um al­menn­ings­sam­gangna.“

Kjartan segir að farþegar verði því enn um sinn að gera sér að góðu að notast við úr sér gengin húsgögn eða bíða úti í kulda og myrkri á meðan málið hrakhraufast um borg­ar­kerfið án niður­stöðu.

„Meiri­hlut­inn gæti jafn­vel skipað stýri­hóp til að yf­ir­fara þjón­ustu­hand­bók skiptistöðva. Varla er sparnaði um að kenna því und­ir lok nýliðins árs voru keypt ný hönn­un­ar­hús­gögn í skrif­stof­ur borg­ar­full­trúa þrátt fyr­ir að þau hús­gögn, sem fyr­ir voru, væru í góðu lagi.“