Hörmu­legur dóm­greindar­brestur Sól­veigar: Frá­leit túlkun

Sól­veig Anna Jóns­dóttir for­maður Eflingar sakaði í gær um­boðs­mann barna, Salvör Nor­dal, um að spila börnum fram til að grafa undan lög­varinni bar­áttu launa­fólks. Salvör sendi bréf á Eflingu og sagði börn hafa á­hyggjur af fyrir­huguðu verk­falli. Hvatti hún Eflingu til að reyna að semja barnanna vegna. Er Salvör sökuð um það af Sól­veigu að reyna að hafa á­hrif á fyrir­hugað verk­fall. Hrafn Jökuls­son, rit­höfundur og for­seti skák­fé­lagsins Hróksins hrósar Sólveigu og líkir henni við Guðmund Jaka en segir hana að þessu sinni skjóta yfir markið með ó­trú­legum hætti með yfir­lýsingu sinni í gær með því að líta á bréfið sem „frek­lega árás og verið sé að ,,nota börnin“ svo fé­lags­menn Eflingar nái ekki fram rétt­læti!“

Hrafn heldur á­fram:

„Um­boðs­maður barna er um­boðs­maður barna. Í bréfinu er um­boðs­maður barna að koma á fram­færi á­hyggjum barna af verk­föllum sem bætast þá við aðrar þrengingar hálf­lamaðs skóla­kerfis.“

Þá bendir Hrafn á að um­boðs­maður barna sé að hvetja samninga­nefndir til að semja líkt og Alma land­læknir hvatti samninga­nefndir ríkisins og hjúkrunar­fræðinga til að semja.

„Túlkun Sól­veigar á hinu sjálf­sagða erindi um­boðs­manns barna er frá­leit, og yfir­lýsing hennar er ein­fald­lega full af viljandi mistúlkunum og stór­yrðum -- okkur er sagt að um­boðs­maður sé að ,,spila börnum fram til að grafa undan lög­varinni bar­áttu launa­fólks"!!“ segir Hrafn og bætir við:

„Við­brögðin láta auð­vitað ekki á sér standa, og eftir höfðinu dansa limirnir: Á Face­book-síðu formanns Eflingar er nú ausið ó­hróðri yfir um­boðs­mann barna -- sem gegnir ein­hverju mikil­vægasta em­bætti landsins á vorum dauðans ó­vissu tímum.“

Hrafn segir það hörmu­legan dóm­greindar­brest að út­mála Salvöru sem óvin. Þá sé mikil­vægt að Sól­veig Anna, aðrir verka­lýðs­for­kólfar, at­vinnu­rek­endur, sveitar­fé­lög og for­eldra­fé­lög sam­einist um ræða graf­alvar­lega stöðu þúsunda barna í kófinu sem og á­kveða að­gerðir sem bæta lífs­gæði þeirra. Þá sé mikil­vægt að koma þeim börnum til tafar­lausrar hjálpar sem kunna að vera van­rækt eða bein­línis í háska stödd. Hrafn segir að lokum:

„Og meðal annarra orða: Ég heyri sára­fáa valda­menn -- og valda­menn sitja hreint ekki bara á þingi -- tala af þekkingu, sann­færingu og eld­móði um börnin okkar á tímum kóróna­veirunnar. Það ætti að vera brýnasta úr­lausnar­efni dagsins.“

Hér fyrir neðan má lesa færsluna í heild sinni: