Hjúkrunar­fræðingar segja upp í hrönnum – 25 sagt upp eða hætt á bráða­mót­töku frá ára­mótum

Staðan á bráða­mót­töku Land­spítalans hefur verið á vörum margra upp á síð­kastið. Frétta­blaðið sendi fyrir­spurn á Helgu Rósu Más­dóttur um hversu margir hjúkrunar­fræðingar hefðu hætt eða sagt upp frá ára­mótum. Hún segir það vera tuttugu og fimm manns.

Af þessum tuttugu og fimm hjúkrunar­fræðingum hafa þrettán þegar hætt störfum og nokkrir hafa lækkað starfs­hlut­fall. Tólf sögðu upp á allra síðustu vikum, af þeim koma níu upp­sagnir til fram­kvæmda 1. septem­ber og þrjár þann 1. októ­ber.

Gert er ráð fyrir 90 stöðu­gildum fyrir hjúkrunar­fræðinga sam­kvæmt mönnunar­líkani Land­spítalans. Í dag eru 68,5 stöðu­gildi mönnnuð og því vantar 21,5 stöðu­gildi.

Fyrir­hugaðar ný­ráðningar í haust gera ráð fyrir því að stöðu­gildi verði einungis 63 og því vantar enn þá 27 stöðu­gildi hjúkrunar­fræðinga á bráða­mót­tökuna.