Margeir Steinar Ingólfsson, betur þekktur sem DJ Margeir, varð fyrir fólskulegri líkamsárás á Laugaveginum í gærkvöldi.
Fréttablaðið greindi frá því í gær að lögreglan sé ekki að rannsaka málið sem umferðaróhapp heldur líkamsárás.
„Þetta er ekki rannsakað sem umferðaróhapp. Það eru til rannsóknar brotaflokkar sem snúa að því að lífi eða heilsu annarra er stofnað á augljósan hátt til gáska,“ segir Ásgeir.
Í viðtali við DV segir Margeir frá árásinni en hann var hjólandi milli tveggja bíla þegar hann varð var við að ökumaður aftari bílsins fór að þenja bílinn í augljósum pirringi.
„Ég var á ágætis hraða og var ekki að tefja hann með neinum hætti. Fyrir framan mig var auk þess annar bíll þannig að hann hafði ekki komist leiðar sinnar þó að ég hefði vikið,“ segir Margeir.
Ökumaðurinn keyrir síðan aftan á hjól Margeirs þannig að hann hentist af hjólinu og í götuna. „Mér brá náttúrulega verulega en náði svo áttum, stóð upp og gekk að bílnum til að ræða við ökumanninn og hvað honum hefði gengið til,“ segir Margeir.
Ökumaðurinn gaf þá í og keyrði yfir hjól Margeirs til að komast leiðar sinnar. Þar sem allir vegir voru honum lokaðir keyrði hann inn göngugötuna á Laugaveginum til að komast undan.
lessunarlega slasaðist Margeir lítið í árásina og hann var ánægður með viðbrögð gangandi vegfarenda. „Ég er aðeins aumur í úlnliðnum en að öðru leyti slapp ég vel. Ég náði númerinu á bílnum og strax eftir atvikið hópaðist að mér fólk sem bauð sig fram sem vitni í málinu,“ segir Margeir.
Sjónarvottur sagði í samtali viðMorgunblaðið að um augljóst viljaverk hefði verið að ræða.
Margeir mun gefa skýrslu hjá lögreglu bráðlega en segir að lögreglan var ekki búinn að ná í manninn síðast þegar hann vissi en það væri í raun bara tímaspursmál.
