Hildur Sif fékk rússneska bóluefnið og vill að sem flestir Íslendingar fái það líka

Hildur Sif Thorarensen, rithöfundur og verkfræðingur, skellti sér í bólusetningu gegn COVID-19 í Rússlandi á dögunum. Hildur hvetur íslensk stjórnvöld til að ganga til viðræðna við Rússa um kaup á bóluefninu og flýta þannig fyrir bólusetningu landsmanna.

Hildur ræðir þetta í athyglisverðu spjalli við Morgunblaðið.

Hildur er búsett í Noregi ásamt manni sínum, Dmitri Antonov, sem er af rússnesku og eistnesku bergi brotinn en með sterkar rætur á Íslandi.

Bólusetningin á dögunum gekk vel fyrir sig og segist Hildur ekki hafa fundið fyrir neinu, ekki einu sinni stungunni. Sólarhring eftir bólusetninguna er Hildur við góða heilsu og finnur ekki fyrir neinum aukaverkunum. Hún vill að íslensk stjórnvöld ræði við Rússa um kaup á bóluefninu.

„Reynsla þeirra sem við höf­um verið í sam­bandi við, bæði lækna og annarra, hér­lend­is og er­lend­is, er mjög góð og eft­ir að Lancet birti grein um ágæti bólu­efn­is­ins er erfitt að sjá hvað sé í raun því til fyr­ir­stöðu að Ísland stökkvi á vagn­inn og fjár­festi í rúss­neskri eðalvöru,“ segir hún.

Hildur birti svo myndband á Facebook-síðu sinni þar sem fylgjast má með bólusetningunni.