Hildur birti bráð­fyndna mynd af sér og Degi á stóra skjánum: „Ég skal senda þér hana í pósti kæri borgar­stjóri“

Meiri­hluti borgar­stjórnar felldi til­lögu Sjálf­stæðis­flokksins um endur­skoða sam­göngu­sátta­mála höfuð­borgar­svæðisins í gærk. Kostnaðar­á­ætlun sam­göngu­sátt­málans hefur hækkað um 50 milljarða og enn ó­vissa með fjár­mögnun.

Marta Guð­jóns­dóttir og Hildur Björns­dóttir, borgar­full­trúar Sjálf­stæðis­flokksins töluðu fyrir til­lögunni og sagði Hildur meðal annars að að á tæpum fjórum árum frá undir­­­ritun sátt­­málans er engri þeirra fram­­kvæmda sem aðilar gerðust á­sáttir um að flýta, nú lokið.

Fram­­kvæmda- og fjár­steymis­á­ætlun hefði ekki staðist og t.d. farið langt um­­­fram verð­bættar á­ætlanir hvað varðar Sæ­brautar­­stokk og Arnar­nes­veg. Þá væri ó­­vissa með fjár­­mögnun.

Í miðri ræðu sinni á­kvað hún hins vegar að minnast ljós­myndar úr smiðju DV.is sem var birt af sér Degi B. Eggerts­syni borgar­stjóra.

Hildur sagði myndina eina af sínum upp­á­halds sam­settu myndum frá DV. „Mér finnst hún svo­lítið lýsandi því það skiptir máli að ráðast í sam­göngu­bætur á höfuð­borgar­svæðinu en það er ekki sama hvað það kostar,“ sagði Hildur.

„Einu sinni setti DV saman myn af mér og borgar­stjóra þar sem við vorum með lamb­hús­hettur,“ bætti Hildur við. „Kannski mun ég finna til­efni til að birta hana,“ sagði Hildur en Dagur virðist hafa kallað eitt­hvað að henni sem heyrðist ekki í salnum. Hildur hlær þá og segir „Ég skal senda þér hana í pósti, kæri borgar­stjóri.“