Her­dís varar for­eldra við fyrir ösku­daginn

Her­dís Storga­ard, verk­efna­stjóri hjá Mið­stöð slysa­varna barna, birtir mikil­væga á­minningu til for­eldra nú þegar ösku­dagurinn er fram undan.

Her­dís heldur úti Face­book-síðunni Ár­vekni þar sem hún birtir reglu­lega á­huga­verða mola um slysa­varnir barna. Í dag fjallar hún um popp­korn sem getur verið sér­stak­lega vara­samt fyrir yngri börn.

„Nú er ösku­dagur að renna upp og er þá vani að gera börnunum glaðan dag. Margir vilja draga úr sykur­neyslu og velja því að gefa börnunum popp­korn. Popp­korn er mjög vara­samt fyrir börn yngri en 4 ára,“ segir Her­dís í færslu sinni og bætir við að popp­korn sé á lista yfir 15 hættu­legar fæðu­tegundir eða sæl­gæti sem geta or­sakað köfnun hjá yngri börnum.

„Popp­korn eða hluti þess getur farið niður í lungu og sest þar að. Það líða oft mánuðir þangað til að veikindi koma upp og oft er erfitt að greina að eitt­hvað hafi farið niður í lungu. Popp­korn inni­heldur salt og olíu en bæði þessi efni eru skað­leg lungunum.“

Í færslunni segir enn fremur að popp­korn geti staðið illa í litlum börnum þar sem þau tyggja ekki matinn vel sökum þess að þau hafa ekki fengið alla jaxla.

„Popp­korn þurrkar líka munninn og þegar munnur verður þurr þá aukast líkur á því að það standi í barninu.“