Óhætt er að segja að mæðgunum Herdísi Sigurjónsdóttur og Ásdísi Magneu Fjeldsted hafi brugðið í fyrrinótt þegar þær voru að horfa á sjónvarpið heima hjá sér. Trölli fjallaði um málið á vef sínum og fékk Hringbraut leyfi til að birta meðfylgjandi mynd.
Innbrotsþjófur hefur gert íbúum á Siglufirði lífið leitt að undanförnu og hefur lögregla hvatt íbúa til að læsa húsum sínum.
Mæðgurnar voru að horfa á tónlistarþátt með hljóðiðhátt stillt þegar Ásdís varð vör við það að hanskaklædd hönd hafði fært gluggatjöldin til. Skyndilega blasti við dökkklæddur maður sem lét sig hverfa á methraða út í myrkrið þegar Ásdís öskraði: „VODDAFOKK“. Svo virðist sem maðurinn hafi opnað gluggann upp á gátt til að skríða inn, en glugginn var opinn til að lofta út.
Í samtali við Trölla hvatti Herdís íbúa til að vera á varðbergi því enginn vill fá svona óboðna gesti í heimsókn. Um var að ræða aðra nóttina í röð þar sem innbrotsþjófur leitar uppi opin hús á Siglufirði.
Nánar má lesa um málið á vef Trölla.
