Helgi Seljan les í fund ríkis­stjórnarinnar í gær: Af hverju mættu sex ráð­herrar?

„Það er eitt­hvað furðu­legt vipe í þessari ríkis­stjórn. Ef sex ráð­herrar þurfa nauð­syn­lega að mæta saman á blaða­manna­fund til að til­kynna um til­slakanir á ferða­banni, er annað hvort ekkert að gera eða allir skít­hræddir um sína stöðu.“

Þetta segir fjöl­miðla­maðurinn Helgi Seljan á Twitter-síðu sinni. Katrín Jakobs­dóttir for­sætis­ráð­herra boðaði til blaða­manna­fundar með skömmum fyrir­vara í gær um af­léttingu ferða­tak­markanna.

At­hygli vakti að auk Katrínar voru ráð­herrarnir Þór­dís Kol­brún Reyk­förð Gylfa­dóttir, Guð­laugur Þór Þórðar­son, Sigurður Ingi Jóhanns­son, Svan­dís Svavars­dóttir og Ás­laug Arna Sigur­björns­dóttir við­stödd. Katrín kynnti að­gerðir ríkis­stjórnarinnar á meðan hinir ráð­herrarnir fimm stóðu kyrrir.

Í um­ræðum undir Twitter-færslu Helga bendir einn á að hugsan­lega hafi allir viljað vera í mynd þegar góðu fréttirnar eru sagðar. „Það að ein­hver vilji og það sé látið eftir við­komandi, er svo allt annar hlutur. Þetta er bara silly,“ svarar Helgi.

Í um­ræðum bendir einn á að frétta­til­kynning hefði verið nóg. Annar segir að allir „vilji taka kredit“ og allt lykti þetta af ó­öryggi ráð­herranna.

Þess má geta að Þór­ólfur Guðna­son sótt­varna­læknir var einnig á fundinum þó hann hafi ekki stillt sér upp við hlið ráð­herrana.

Það er eitthvað furðulegt vipe í þessari ríkisstjórn. Ef sex ráðherrar þurfa nauðsynlega að mæta saman á blaðamannafund til að tilkynna um tilslakanir á ferðabanni, er annað hvort ekkert að gera eða allir skíthræddir um sína stöðu.

— Helgi Seljan Jóhannsson (@helgiseljan) May 12, 2020