„17-0 - Takk Sjálfstæðisflokkur. Nú er að sjá dóminn og hvað verður um dómarana 15,“ segir Helga Vala Helgadóttir, þingmaður Samfylkingarinnar, á Facebook-síðu sinni.
Helga Vala deilir þar frétt Fréttablaðsins sem greindi frá því nú á ellefta tímanum að yfirdeild Mannréttindadómstóls Evrópu hefði staðfest dóm réttarins í Landsréttarmálinu svokallaða sem kveðinn var upp í mars í fyrra. Dómurinn var skipaður sautján dómurum og var hann einróma um niðurstöðuna.
Með því að skipa ekki dómara við Landsrétt í samræmi við landslög braut íslenska ríkið í bága við ákvæði Mannréttindasáttmálans um réttláta málsmeðferð.
Daginn eftir að dómur féll í Landsréttarmálinu þann 12. mars í fyrra ákvað Sigríður Á. Andersen að stíga til hliðar sem dómsmálaráðherra. Snerist málið um það hvernig staðið var að skipun fimmtán dómara við Landsrétt í júní 2017.
Að mati dómsins gerðist dómsmálaráðherra brotlegur við reglur sem giltu um skipun dómara með því að taka fjögur dómaraefni af lista hæfnisnefndar og setja önnur dómaraefni í staðinn, án þess að leggja mat á eða afla frekari gagna um reynslu þeirra sem fjarlægðir voru.
Hér að neðan má sjá viðbrögð nokkurra þingmanna við tíðindunum:
Og þannig fór um sjóferð þá. https://t.co/hjqH6i3nqc
— Þórhildur Sunna (@sunnago) December 1, 2020
Quelle surprise. https://t.co/T3GvORshvK
— Smári McCarthy (@smarimc) December 1, 2020
Þá er það staðfest. Niðurstaðan gæti ekki verið skýrari. #ECHR vill ekki sjá pólitísk inngrip á Íslandi við skipan dómara. Nú er ekki tíminn til að tala niður Mannréttindadómstól Evrópu,heldur spyrja; hvers vegna ákvað ríkisstjórn Íslands að fara í þennan niðurlægjandi leiðangur? https://t.co/GuqdfSX3eI
— Rósa Björk B (@RosaBjorkB) December 1, 2020
