Sérstök umræða um konur í Íran fór fram á Alþingi í gær og vakti ræða Björn Levís Gunnarssonar heldur betur athygli. Í ræðunni líkti Björn Leví baráttu kvennanna við mótþróa sinn við fylgja fatareglum Alþingis. Fjölmargar konur hafa verið myrtar af lögreglu og klerkastjórn Íran á síðustu vikum fyrir það eitt að sýna á sér hárið.
Björn Leví vildi einnig meina að vestræn stjórnvöld bæru ábyrgð á ástandinu í Íran og líkti „stjórnlyndi“ Alþingis við klerkastjórninni Íran.
„Konur í Íran berjast fyrir lífi sínu og tilverurétti, hætta lífi sínu í þeirri baráttu. Björn Leví líkir því í umræðum á Alþingi við mótþróa sinn við fatareglur á vinnustaðnum – eitthvað jakka og sokkaröfl,“ skrifar Guðmundur Andri Thorsson, fyrrverandi þingmaður og rithöfundur. „Ég finn eiginlega ekki orð til að lýsa því hversu ósmekklegur mér finnst sá samanburður,“ bætir hann við.
Fjölmargir taka til máls undir þræði Guðmundar og segir Þórunn Sveinbjarnardóttir, þingmaður Samfylkingar, að hún eigi ekki orð yfir þessum ummælum Björns.
Illugi Jökulsson segir að þetta sé líklegast ekki illa meint en „þetta var samt frekar illa heppnað og þannig var það nú bara. Það má líka alveg benda á það,“ segir Illugi.
Björn Leví ákvað að reyna að svara sem flestum í athugasemdum en fólk var ekki að taka í útskýringar hans. Hann fann þó stuðning í Eiríki Jónssyni sem segir að þetta sé alveg rétt hjá Birni Leví. „Að skikka fólk til að klæðast ákveðinn hátt líkt og þingmenn láta yfir sig ganga er félagsleg ofbeldi. Allir með hálsbindi? Allar með slæður? Hvort sem það er í Íran eða á Alþingi.
Guðmundur svarar Eiríki og segir að munurinn sé sá að þingsalurinn sé afmarkað rými og sérstakt þar sem lög landsins eru ákveðinn.
