Heimir Karlsson, útvarpsmaður í Bítinu á Bylgjunni, segir ástandið í vaxta og lánamálum á Íslandi ekki boðlegt.
Hann deilir fréttmbl.is á Facebook síðu sinni þar sem kemur fram að Greiðslubyrði af 40 milljóna króna óverðtryggðu íbúðaláni til 40 ára mun hafa hækkað úr tæplega 151 þúsund krónum í apríl 2021 í tæplega 305 þúsund krónur, eftir að síðasta vaxtahækkun Seðlabankans.
„Þetta er ekki boðlegt! Algjörlega óásættanlegt! Þetta er skömm! Það er komið nóg - þessu verður að breyta! Sönnun á því að kerfið þjónar ekki fólkinu í landinu heldur einhverju allt öðru?“ skrifar Heimir.
Fjölmargir taka undir með Heimi í athugasemdum en Halldór Halldórsson fyrrverandi oddviti Sjálfstæðisflokksins í borginni segir að það er bara greiðslan sem hækkar. „Lánsfjárhæðin lækkar því þetta er óverðtryggt,“ segir Halldór.
Aðrir eru þó ekki jafn yfirvegaðir og stinga upp á því að flytja úr landi á meðan það er enn hægt.