Katrín Jakobsdóttir forsætisráðherra segist aldrei hafa prófað stefnumótaforritið Tinder. Þrátt fyrir þetta segist hún sjá að tæknin sé farin að hafa raunveruleg áhrif á það hvernig fólk kynnist. Þetta sagði hún í pistli sínum á Facebook um nýtt verkefni í forsætisráðuneytinu þar sem grunnur verður lagður að fjórðu iðnbyltingunni.
„Hefði ég hitt maka minn með aðstoð Tinder? Ég veit það ekki. Reyndar hef ég aldrei nýtt mér það stórmerka forrit en ég sé það að tæknin er farin að hafa raunveruleg áhrif á það hvernig fólk kynnist,“ sagði Katrín.
Hefði ég hitt maka minn með aðstoð Tinder? Ég veit það ekki. Reyndar hef ég aldrei nýtt mér það stórmerka forrit en ég...
Posted by Katrín Jakobsdóttir on Friday, 9 October 2020
„Það er eingöngu eitt af mörgum sviðum mannlífsins sem tæknin hefur haft áhrif á á undanförnum árum en segja má að fátt í samfélaginu sé ósnortið af áhrifum tæknibreytinga.“
Hún hefur nú skipað nefnd sem er ætlað að svara eftirfarandi spurningum til að móta skýra framtíðarsýn um hvernig íslenskt samfélag geti unnið með gervigreind öllum til hagsbóta:
- Hver eru réttindi Íslendinga gagnvart nýrri tækni?
- Hvert á hlutverk tækni og gervigreindar að vera í íslensku samfélagi?
- Hvaða gildi á íslenskt samfélag að hafa að leiðarljósi við innleiðingu nýrrar tækni?
- Á hvaða vettvangi mun Ísland ræða og leysa álitamál sem koma upp er varða innleiðingu eða notkun nýrrar tækni?
