Laufey Líndal Ólafsdóttir segir Íslendinga oft vera fordómafullir án þess að gera sér grein fyrir því.
„Ég veit ekki hvaða hugmyndir hvítir Íslendingar geri sér almennt, en þetta er svakalega algengt og fólk gerir sér ekki endilega grein fyrir því. Íslendingar hafa oft ekki orðið beinn skotspónn kynþáttafordóma, þótt að hann sé til og hann geti verið nær okkur en við höldum,“ segir Laufey í samtali við Fréttablaðið.
Hún birti færslu á Facebook þar sem hún rifjar upp þegar hún flutti aftur til Íslands frá Bretlandi, rétt fyrir aldarmót. Hún segist hafa fundið fyrir jaðarsetningu sem barn hennar varð fyrir þar sem hún var hvít en barnið hennar ekki.
Laufey á þrjú börn. Tvö þeirra eru dökk á hörund og Laufey segist reglulega taka eftir fordómum sem þær mæti.
„Þær þurfa sífellt að útskýra sjálfa sig. Eins og ég minntist á, spurningin er iðulega bara af hverju ertu brún? Þótt að það sé sett í ýmsa búninga. Algengt er að spyrja „hvaðan ertu“ og þá dugar iðulega ekki að segja „ég er íslensk“ því þá kemur „en hvaðan ertu í raun og veru“ oft næst,“ segir Laufey.
„Ég hef staðið við hliðina á dætrum mínum þegar fólk ávarpar mig á íslensku og þær á ensku,“ segir hún.
Færslu Laufeyjar má lesa í heild sinni hér að neðan.
