Haukur Örn Birgisson lögfræðingur ætlaði sér að fjalla um kórónaveiruna í pistli sínum í Fréttablaðinu í dag. Hann óttaðist að þá myndi einhver móðgast, fyrir hönd annarra vegna skrifanna. Haukur Örn segir:
„Það er til alltof mikið af slíku fólki. Fólki sem stígur viljandi í hundaskít, til þess eins að gera úr því stórmál að hundaeigendur þrífi ekki upp eftir hundana sína. Svo birtir þetta fólk ljósmyndir af ódæðinu á hverfissíðum samfélagsmiðlanna, til þess að færa sönnur á mál sitt.“
Haukur Örn bætir við:
„Ég ákvað að sleppa því að skrifa um veiruna. Það er of snemmt.“
Þá fagnar Haukur sigri Daða í Eurovision og hefur að lokum þetta að segja:
„Að lokum: Hættið þegar í stað að nota orðið Evróvisjón – það er hræðilegt orðskrípi.“
