Harm­leikur í Bret­landi: Í­búar í á­falli eftir að fjórði drengurinn lést í gær

Sam Butler sex ára gamall drengur sem hefur barist fyrir lífi sínu síðan á sunnu­daginn lést á spítala í gær.

Hann var einn af þremur drengjum sem hafa látist í vikunni eftir að ís brast undan þeim á vatni í Soli­hull á sunnu­daginn. Þetta kemur fram í frétt Fréttablaðsins sem er unnin upp úr breskum fjölmiðlum.

Hinir drengirnir sem létust voru Finl­ey Butler átta ára, Jack John­son tíu ára og Thomas Stewart ellefu ára. Finl­ey, Thomas og Jack fundust allir látnir í vatninu en hinn sex ára Sam fannst á lífi og barðist fyrir lífi sínu á spítala þangað til í gær.

Mikil leit fór fram við vatnið.

Fréttablaðið/Getty

Tíu ára reyndi að bjarga vinum sínum

Heima­menn greindu frá því í fjöl­miðlum að maður ná­lægt Babbs Mill vatninu heyrði drengina öskra á hjálp áður en þeir sukku ofan í ís­kalt vatnið. Hann hringdi á lög­regluna og hljóp á eftir þeim ofan í vatnið. Þegar hann kom á vett­vang hafði hinn tíu ára Jack John­son sem var á bakkanum þegar ísinn brast einnig farið ofan í vatnið til að hjálpa vinum sínum. Hann sem fyrr segir lést einnig.

Maðurinn á staðnum er sagður hafa gert sitt besta að reyna bjarga drengjunum en hafði ekki árangur sem erfiði. Líf­gunar­til­raunir við bakkann hjá þremur drengjum báru ekki árangur en Sam var einn fluttur á spítala.

Sam­kvæmt fjöl­skyldu­með­limum drengjanna fóru þeir að vatninu til að gefa öndunum að borða.

Jack Johnson tíu er sagður hafa reynt að bjarga vinum sínum úr vatninu.

Lögreglumenn leggja blóm við minnisvarða drengjanna.