Haraldur Þorleifsson, manneskja ársins 2022 hjá hlustendum Rásar 2, kom fram í Skaupinu á gamlárskvöld og þótti standa sig með mikilli prýði. Haraldur, sem stofnaði fyrirtækið Ueno og seldi það svo til Twitter, virðist vera opinn fyrir því að leika meira í framtíðinni.
Haraldur birti færslu þess efnis á Twitter þar sem hann sagði:
„Sett þetta út í kosmósið: Kæru leikstjórar og casting fólk, ég vil endilega leika meira. Ég væri sérstaklega til í að vera vondi kallinn. Þið kannski hafið mig í huga ef þið eruð með prufur!“
Fylgjendur Haraldar eru á því að hann geti vel átt framtíðina fyrir sér í leiklist og segir einn að hann og Ólafur Darri gætu gert það gott saman í næstu seríu af Ófærð. Annar segist sjá Harald fyrir sér í næsta krimma Baltasar Kormáks.
Sett þetta út í kosmósið:
— Halli (@iamharaldur) January 3, 2023
Kæru leikstjórar og casting fólk, ég vil endilega leika meira.
Ég væri sérstaklega til í að vera vondi kallinn.
Þið kannski hafið mig í huga ef þið eruð með prufur!
