Flestir ættu að þekkja breska skemmtikraftinn John Cleese, sem er hvað þekktastur sem meðlimur í ódauðlegu grínsveitinni Monty Python.
Stjórnmálafræðiprófessorinn Hannes Hólmsteinn Gissurarson segir frá kynnum sínum af Cleese í færslu sem birtist á Facebook í dag.
Hann segir að þeir hafi hist á Frelsishátíðinni, Freedomfest, í borginni Las Vegas í Bandaríkjunum, og segir að nú sé Cleese orðinn ötull verjandi málfrelsis.
Hannes segir að þeir Cleese hafi rifjað upp fyrri kynni, þegar þeir sóttu saman fund í Suður-Englandi.
„Einn kunnasti fyrirlesarinn á Frelsishátíðinni, Freedomfest, í Las Vegas í Nevada (Engjum á Snælandi) var breski gamanleikarinn John Cleese, sem er orðinn ötull verjandi málfrelsis. Ég hitti Cleese að máli í móttöku fyrir nokkra þátttakendur, og við rifjuðum upp, að við sóttum saman málstofu í Suður-Englandi um leikrit Toms Stoppards fyrir mörgum áratugum.“
Hannes bætir við að lokum að hann hafi minnst á fræga íslenska auglýsingu sem Cleese lék í fyrir Kaupþing,
„Ég sagði honum líka, að hann væri þekktur á Íslandi fyrir auglýsinguna um „Kaupthinking“.“
Hægt er að sjá auglýsinguna hér fyrir neðan:
I've greatly underestimated the population of Iceland! 300,000 Million?! pic.twitter.com/YEdI0JViJj
— John Cleese (@JohnCleese) April 10, 2021
