Hannes Hólm­steinn svarar Guð­mundi: „Þessi færsla lýsir miklum mis­skilningi“

„Þessi færsla lýsir miklum mis­skilningi. Það er hlut­verk ríkis að láta borgara sína hafa for­gang um þau gæði, sem það getur út­hlutað. Annars væri það til­gangs­laust,“ segir Hannes Hólm­steinn Gissurar­son, prófessor í stjórn­mála­fræði við Há­skóla Ís­lands.

Hannes skrifar at­huga­semd undir færslu Guð­mundar Andra Thors­sonar, þing­manns Sam­fylkingarinnar, á Face­book í gær­morgun, en þar tjáði Guð­mundur sig um þau tíðindi að Ísraels­menn hefðu tryggt nægt bólu­efni gegn CO­VID-19 til að bólu­setja alla lands­menn.

„Víða sér maður fólk dá­sama Ísraels­ríki fyrir góða frammi­stöðu við að bólu­setja sitt fólk. Sitt fólk. Bara sitt fólk. Palestínu­þjóðin á hert­eknu svæðunum fær ekkert. Sjaldan hefur maður séð jafn svart á hvítu það rang­læti sem þetta ríki er reist á,“ sagði Guð­mundur í færslu sinni og tóku margir undir.

Hannes Hólm­steinn er langt því frá sam­mála Guð­mundi Andra og segir að Palestínu­menn hafi sína stjórn sem flýtur í gjafa­fé frá út­löndum. Því miður fari mest­allt í spillta stjórn­mála­menn þar.

„Sú stjórn hefði átt að út­vega Palestínu­mönnum bólu­efni. Þetta er mælsku­brella hjá þér til að leiða at­hyglina frá því, að heil­brigðis­ráð­herra (gamall sam­herji þinn í Icesa­ve-málinu) gætti hags­muna Ís­lendinga ekki nógu vel og að í ljós er komið, að ESB, sem þú hefur ofur­trú á, hefur ekki ráð undir hverju rifi.“

Stak­steinar Morgun­blaðsins í dag eru lagðir undir færslu Guð­mundar Andra og svar Hannesar og þarf ekki að koma á ó­vart að Stak­steinar taka undir með Hannesi.

„Flestum er orðið ljóst að Evrópu­sam­bandið klúðraði pöntunum á bólu­efni sem það tók að sér fyrir aðildar­ríkin og Ís­land, sem hengdi sig, að því er virðist hugsunar­laust og án annarra ráð­stafana, aftan í þessa mis­heppnuðu að­gerð. Það hlýtur að fara að líða að því að ráð­herrann viður­kenni mis­tökin. Oftast er það fyrsta skrefið í þá átt að bæta ráð sitt,“ segir í Stak­steinum dagsins.