Halldóra Mogensen, þingmaður Pírata, sem barist hefur fyrir afglæpavæðingu fíkniefna á Alþingi átti varla orð til að lýsa vonbrigðum sínum yfir ákvörðun Willum Þórs heilbrigðisráðherra að setja frumvarp sitt um afglæpavæðingu neysluskammta á ís.
„Heilbrigðisráðherra er búin að fella niður frumvarp sitt um afglæpavæðingu neysluskammta. Ég kann ekki að setja í orð vonbrigði mín en langar mest að fara að gráta,“ skrifar Halldóra á Twitter í dag.
Þingmenn fengu uppfærða þingmálaskrá í hendurnar í dag en þar kemur fram hvaða mál ráðherrar ætla leggja fram á þessu þingi.
Í samtali við Vísi segir Halldóra að hún óttist að verið sé að drepa málið en það hefur áður „sofnað“ í nefnd.
Hún segist hafa bundið vonir um að Willum Þór myndi klára málið fyrir alvöru að þessu sinni en hún gerir sig fyllilega greina fyrir því hvar andstaðan við málið liggur.
Samkvæmt skoðanakönnunum eru 60 prósent þjóðarinnar hlyntir því að gera breytingar á núverandi stefnu sem Halldóra segir vera stórskaðlega.
