Karen Elísabet Halldórsdóttir, fyrrverandi bæjarfulltrúi í Kópavogi, greinir frá því á Facebook í dag að Halldór Jónsson, verkfræðingur og einn þekktasti Mogga-bloggari landsins hafi látist í morgun.
„Elskulegur pabbi lést í morgun eftir um viku sjúkrahúsdvöl og langvarandi veikindi.
Síðasta vika var okkur öllum erfið og ekki síst honum þegar hann sá í hvað stefndi,“ skrifar Karen á Facebook.
„Hann kaus líknandi meðferð sem lauk í morgun. Við höfum setið hjá honum, haldið í hönd hans og þakkað honum hans samveru í þessu lífi. Hann er stórbrotnasti maður sem ég hef hitt og gaf aldrei eftir eina einustu mínútu. Það hefur verið krefjandi að vera dóttir hans en einnig mikil forréttindi. Hvíldu í friði elsku pabbi, sjáumst síðar,“ bætir hún við og deilir mynd af föður sínum.
