Gylfi Þór mun taka á móti Úkraínumönnum

Gylfi Þór Þorsteinsson sem vakið hefur athygli fyrir skelegga framgöngu sína við stýringu farsóttarhúsa í kófinu hefur verið ráðinn aðgerðarstjóri í sérstöku aðgerðarteymi sem annast mun móttöku flóttafólks frá Úkraínu.

Þetta kemur fram í tilkynningu frá stjórnarráðinu. Segir þar að Guðmundur Ingi Guðbrandsson komi til með að skipa í teymið sem mun fara með yf­ir­stjórn aðgerða og vinna að skipu­lagn­ingu á mót­töku flótta­fólks frá land­inu.

„Í hópn­um verða full­trú­ar frá fé­lags- og vinnu­markaðsráðuneyt­inu, for­sæt­is­ráðuneyt­inu, dóms­málaráðuneyt­inu, heil­brigðisráðuneyt­inu, innviðaráðuneyt­inu og fjár­málaráðuneyt­inu. Þá verður óskað eft­ir full­trúa frá Sam­bandi ís­lenskra sveit­ar­fé­laga til þátt­töku í teym­inu og að full­trúi flótta­manna­nefnd­ar eigi þar einnig sæti. Stofn­an­ir ráðuneyt­is­ins munu taka þátt í starf­inu eft­ir þörf­um,“ seg­ir í til­kynn­ingu.

„Verður maður ekki bara að vona að næsta starf verði spennandi líka og þá þarf maður ekki að upplifa neina tómleikatilfinningu,“ sagði Gylfi Þór í samtali við Fréttablaðið um starfslokin.