Gylfi Zoega, prófessor í hagfræði segir í grein nýjustu útgáfu Vísbendingar að búast megi við rekstrarerfiðleikum hjá fyrirtækjum þar til bóluefni við kórónaveirunni finnst. Búast megi við að það dragist fram á næsta ár og alveg fram á sumarið 2021. Þetta gæti haft mikil áhrif á hagstjórn hér á landi.
Kjarninn greinir frá þessu. Þar segir enn fremur að samdráttur verði líklega á bilinu fjögur til sjö prósent í ár eða
„svipaður og árið 1968, eftir að síldin hvarf af Íslandsmiðum, og árið 2009 í kjölfar fjármálahrunsins. Þessi tvö ártöl eru fræg í hagsögu Íslands.“
Gylfi segir samdráttinn nú allt annars eðlis. Einnig vill hann að stjórnvöld birti efnahagsáætlun um hvernig örva á hagkerfið nú þegar ákveðið hefur verið að slaka á samkomubanni.
Ítarlega er fjallað um pistil Gylfa á Kjarnanum.
