Gunnar Smári: „Leti Brynjars og annarra Sjálf­stæðis­flokks­manna er orðið mikið mein“

„Leti Brynjars og annarra Sjálf­stæðis­flokks­manna er orðið mikið mein á Ís­landi,“ segir Gunnar Smári Egils­son, stofnandi Sósíal­ista­flokksins.

Gunnar Smári gerir um­mæli sem Brynjar Níels­son, þing­maður Sjálf­stæðis­flokksins, lét falla í hlað­varps­þætti Sölva Tryggva­sonar að um­tals­efni. Í við­talinu ræddi Brynjar meðal annars um mál­efni ör­yrkja og lýsti hann á­hyggjum sínum af fjölda þeirra. Vísir fjallaði um viðtalið.

„Ef það verða á­fram svona margir á ör­orku og at­vinnu­lausir þá er ljóst að sam­fé­lagið mun ekki hafa efni á að greiða þó þær bætur sem er verið að greiða í dag,“ sagði hann meðal annars og kallaði eftir því að rann­sakað yrði hvort ör­yrkjar og bóta­þegar sigli undir fölsku flaggi.

„Við verðum á ein­hverjum punkti bara að þora að taka á þessu. Ef fólk er að vinna svart sem er að þiggja bætur á auð­vitað bara að rann­saka það sem hver önnur svik, en það er stundum eins og það megi ekki. Við sem sam­fé­lag getum ekki leyft okkur það til lengdar að fjölga bara enda­laust fólki á bótum án þess að skoða að það sé örugg­lega allt saman fólk sem raun­veru­lega á að vera á þessum bótum.“

Gunnar Smári gefur lítið fyrir mál­flutning Brynjars.

„Ef Brynjar Níels­son væri ekki eins latur og hann er væri hann lík­lega búinn að átta sig á þessi kenning ný­frjáls­hyggjunöttara að ör­yrkjar væru um­vörpum að ljúga sig á ör­orku­bætur (og þar með til sárrar fá­tæktar) er ekkert meira en þetta; kenning fleygt fram að fólki sem er veikt af fá­tækra­and­úð og mann­fyrir­litningu,“ segir hann í inn­leggi sem hann birti í Face­book-spjall­hópi Sósíal­ista­flokksins.

Hann segir að öll svik gagn­vart hinu opin­bera séu framin af hinum ríku sem á­ætlað er að svíki um 80 til 100 milljarða króna undan skatti á ári hverju, tvö­falt það sem ríkið greiðir í ör­orku­líf­eyri.

„Er­lendar rann­sóknir benda til að hin allra ríkustu svíki að meðal­tali um 1/3 tekna sinna undan skatti. Það gefur til­efni til að setja allt auðugt fólk undir stöðuga skatt­rann­sókn, enda myndi sú vinna borga sig marg­falt. Leti Brynjars og annarra Sjálf­stæðis­flokks­manna er orðið mikið mein á Ís­landi. Við þurfum t.d. að þola að þeir hafa ekki nennt að endur­nýja sig hug­mynda­fræði­lega og eru enn að tala út frá hug­mynda­heimi ný­frjáls­hyggjunnar sem í öðrum löndum hefur verið lýst dauð og verið hent á ösku­hauga, brennd þar eða urðuð. Hér hampa Sjálf­stæðis­flokks­menn líkinu, al­deilis ó­næmir fyrir dauninum sem leggur af því.“