Gunnar Máni Arnarson og Karen Björk Hafsteinsdóttir eru ævinlega þakklát björgunarsveitinni Þorbirni í Grindavík eftir að hafa fengið ómetanlega aðstoð á mánudaginn. Þetta kemur fram í frétt DV.
„Er alveg með tárin í augunum yfir þessum litla jóladreng og kærleiknum í samfélaginu í Grindavík. Björgunarsveitin Þorbjörn vildi ekkert meira en að klára jólasöguna sína með því að skutla okkur aftur heim og fyrir það verð ég ævinlega þakklátur,“ segir Gunnar Máni í færslu á Twitter.
Karen var þá gengin níu mánuði á leið með þriðja barn þeirra og fór af stað. Barnið var tilbúið að koma í heiminn á sama tíma og nær allir vegir landsins voru ófærir.
Þá er gott að Ísland á hetjur í björgunarsveitinni sem keyrði parið á Landspítalann í Reykjavík. Ekki nóg með það keyrði björgunarsveitin parið aftur til baka í gær.
og aftur heim núna í morgunsárið… Er alveg með tárin í augunum yfir þessum litla jóladreng og kærleiknum í samfélaginu í Grindavík. Björgunarsveitin Þorbjörn vildi ekkert meira en að klára jólasöguna sína með því að skutla okkur aftur heim og fyrir það verð ég ævinlega þakklátur https://t.co/CCyRY3sK0r
— Máni (@gunnarmani) December 20, 2022
