Slétt sex ár eru liðin frá því að nýr kafli í íþróttasögu Íslendinga var skrifaður á Stade de France leikvanginum í Frakklandi þegar að íslenska karlalandsliðið í knattspyrnu vann 2-1 sigur á Austurríki og tryggði sér sæti í 16-liða úrslitum Evrópumótsins.
Arnór Ingvi Traustason skoraði sigurmark Íslands í uppbótatíma, mark sem varð til þess að íslenska liðið fékk leik gegn Englendingum í 16-liða úrslitum, saga sem allir vita hvernig endaði.
Arnór Ingvi var þó ekki sá eini sem skráði sig í sögubækurnar heldur varð Guðmundur Benediktsson eða Gummi Ben eins og við Íslendingar þekkjum hann, heimsfrægur á svipstundu fyrir ótrúlega lýsingu.
Gummi deilir sjálfur myndbandinu sem fór sigurför um heiminn. „6 ár í dag…..annars bara góður,“ skrifar Gummi en það er ærið tilefni til að horfa á markið og myndbandið aftur í dag til að minnast sögulegrar stundar í íslenskri knattspyrnu.
6 ár í dag…..annars bara góður https://t.co/zN6LWZCl71
— Gummi Ben (@GummiBen) June 22, 2022
Hér að neðan má svo sjá markið sjálft með lýsingu Gumma en myndbandið hefur fengið hátt í 300 þúsund áhorf.
