Guð­mundur: Sláandi munur á Ís­landi og Dan­mörku – Ekki skrýtið að auð­menn vilji eignast banka

Guð­mundur Óskars­son, mat­reiðslu­maður sem er bú­settur í Dan­mörku, skoðar þessa dagana kaup á nýrri bif­reið. Það væri vart í frá­sögur færandi nema fyrir þann mun sem er á láns­kjörum á milli Ís­lands og Dan­merkur.

„Nú erum við gamla settið hér í Dan­mörku að fara að kaupa okkur nýjan bíl. Kannski er þetta síðasti bíllinn sem við kaupum því við erum gjörn á að eiga bíla okkar lengi,“ segir Guð­mundur í inn­leggi sem hann birti í Face­book-hópi Sósíal­ista­flokks Ís­lands og hefur vakið nokkra at­hygli.

Guð­mundur segir að alls­konar mögu­leikar séu í boði varðandi bíla­kaup í Dan­mörku eins og annars staðar. Á­kveðið var að kaupa bif­reið af gerðinni Skoda Fabia en á­sett verð var 164.815 danskar krónur, eða 3,3 milljónir króna.

Guð­mundur nefnir að hann hafi mögu­leika á að borga bílinn á borðið eða þá dreifa greiðslum, til dæmis með því að borga rúm­lega 30 þúsund danskar krónur út og svo restina á átta ára láni. Þá kemur að muninum á láns­kjörum milli landa.

Lánið sem Guð­mundi stendur til boða í Dan­mörku ber 0,99 prósenta fasta vexti. „Eftir mikla út­reikninga og um­hugsun á­kváðum við að það sé ó­dýrara að taka fullt lán því verð­bólgan er að­eins hærri en vextir af láninu og geyma peningana í banka.“

Guð­mundur kveðst hafa skoðað sam­bæri­leg bíla­lán á Ís­landi til að haga hvað bankarnir þar „eru að pína fólkið mikið“ eins og hann orðar það.

„Aríon banki: 5,25% vextir til sjö ára. Lán­töku­gjald 52000 sem ekki þekkist í Dan­mörku og ár­leg hlut­falls­tala 6,57% (sem ég veit ekki hvað er). Niður­staða á saman­burði: Oh, hvað fjár­mála­stofnunum á Ís­landi finnst gaman að skila miklum hagnaði og pína fólkið enda­laust í skjóli krónunnar. Ekki skrítið að auð­menn vilja eignast banka.“

Færsla Guð­mundar hefur sem fyrr segir vakið nokkra at­hygli og taka margir undir það sem fram kemur í henni. Einn stingur upp á því að Ís­lendingar taki upp evru, þar með myndu er­lendir bankar sjá kosti við að taka Ís­lendinga í við­skipti. Þá bendir einn á dæmi frá Noregi sem þekkist trú­lega ekki á Ís­landi. Hann segir:

„Kunningi minn í Noregi var að borga inn á lánið af húsinu sínu til að vera skuld­laus á efri árum. Svo var hann boðaður í bankann. Þar sem hann átti 78% í húsinu þá var á­hætta bankans minni og vextir lækkaðir. Hefur ein­hver séð svo­leiðis hér?“